اسلام آباد(صباح نیوز)ایئر کمانڈر (ر)سجاد حیدر کو اسلام آباد میں سپرد خاک کر دیا گیا۔ایئر کموڈور(ر)سجاد حیدر نے 1965ء اور 1971ء کی جنگوں میں بھرپور حصہ لیا، 1965ء کی جنگ میں پٹھان کوٹ ایئر بیس پر حملے کی قیادت کیلئے بھی مشہور تھے۔
جنگ کے دوران پیشہ ورانہ قابلیت اور بہترین حکمت عملی کے تحت آپ نے 4بھارتی طیارے اور 11بھارتی ٹینک بھی تباہ کئے، ایئر کمانڈر (ر)سجاد حیدر کتاب فلائٹ آف دی فالکن کے مصنف بھی تھے۔ایئر کمانڈر (ر)ایس سجاد حیدر کی نماز جنازہ کرکٹ گرائونڈ، ایئر ہیڈکوارٹر اسلام آباد میں ادا کر دی گئی۔
