کراچی (صباح نیوز)کراچی کے علاقہ گلشن معمار میں سُپر ہائی وے تھانے کی حدود میں ڈمپر نے موٹر سائیکل سواروں کو ٹکر ماردی جس کے نتیجہ میں موٹرسائیکل پر سوار تین افراد جاں بحق ہو گئے جبکہ ایک شخص زخمی ہوگیا۔
جاں افراد میں دو کی شناخت19سالہ محمد شکیل اور28سالہ خلیل کے ناموں سے ہوئی ہے۔ جبکہ تیسرے جاں بحق شخص کی شناخت نہیں ہو سکی۔ نعشوں اورزخمی شخص کو عباسی شہید ہسپتال منتقل کردیا گیا ہے۔
زخمی شخص کی شناخت اللہ دتہ کے نام سے ہوئی ہے۔ واقعہ کے بعد ڈمپبر ڈرائیور موقع سے فرارہو گیا۔ پولیس نے ڈمپر کو اپنی تحویل میں لے کرفرارڈمپر ڈروائیور کی گرفتاری کے لئے کوششیں شروع کردی ہیں۔
