کراچی (صباح نیوز)پاراچنار واقعہ کے خلاف کراچی میں مذہبی جماعت کی جانب سے شہر کے 4 مقامات پردھرنوں کا سلسلہ جاری ہے۔شہر قائد میں دھرنے نمائش چورنگی، ابوالحسن اصفہانی روڈ، کامران چورنگی اور واٹرپمپ پر دیئے گئے ۔ٹریفک پولیس کے مطابق نمائش چورنگی ٹریفک کیلئے مکمل بند ہے، ابو الحسن اصفہانی روڈ عباس ٹائون آنے جانے والے روڈ ٹریفک کیلئے مکمل بند ہیں، کامران چورنگی سے موسمیات آنے جانے والاروڈ بھی مکمل بند کیا گیا
۔واٹر پمپ سے انچولی جانے والا روڈ ٹریفک کیلئے بند ہے جبکہ سہراب گوٹھ سے واٹر پمپ جانے والا روڈ ٹریفک کیلئے کھلا ہوا ہے۔دوسری مذہبی جماعت کی جانب سے گلبائی اور اورنگی ٹائون میں دھرنا دیا جا رہا ہے، گلبائی پراچا چوک ٹریفک کیلئے بند ہے جبکہ پراچا چوک سے گلبائی جانے والا روڈ ٹریفک کیلئے کھلا ہوا ہے۔ٹریفک پولیس کے مطابق شاہراہ اورنگی ٹائون پونے پانچ سے بنارس آنے والا روڈ ٹریفک کیلئے بند ہے، بنارس سے اورنگی ٹائون پونے پانچ جانے والا روڈ ٹریفک کیلئے کھلا ہوا ہے۔
