اسلام آباد(صباح نیوز) سول ایوی ایشن اتھارٹی میں 3ماہ گزرنے کے باوجود مستقل ڈی جی کی تعیناتی نہیں ہوسکی ہے۔ سیکریٹری ایوی ایشن کو ڈی جی کے عہدے کا عارضی چارج دے کر کام چلایا جا رہا ہے۔
ذرائع کے مطابق نئے ڈی جی سول ایوی ایشن کی تعیناتی کے لیے تین ماہ گزرنے کے باوجود اشتہار تک نہیں دیا گیا۔ ڈی جی نہ ہونے کے باعث سول ایوی ایشن میں کام سست روی کا شکار ہے۔ مستقل ڈی جی نہ ہونے کے باعث وزیراعظم کی ہدایت پر ایڈیشنل ڈی جی سی اے اے مسافروں کی شکایات کے لیے کھلی کچہریاں کرنے لگے۔ سابق ڈی جی خاقان مرتضی کو سول ایوی ایشن کے عہدے سے 20اپریل کو ہٹایا گیا تھا۔ نئے سی اے اے ڈی جی کی تعیناتی تین ماہ کے دوران کرنے کی ہدایت کی گی تھی۔
