(صباح نیوز) اسرائیلی فوج نے شمالی غزہ کے علاقے شجاعیہ میں رہائشی علاقوں پر بمباری کردی جس سے مزید 50سے زائد فلسطینی شہید ہوگئے۔
شجاعیہ میں اسرائیل کے حملہ آور ہونے کے بعد ہزاروں فلسطینی ایک بار پھر جبری نقل مکانی پر مجبور ہوگئے۔ دوسری جانب صیہونی میڈیا کا دعوی ہے کہ اسرائیل نے یہ حملہ شجاعیہ میں القسام بریگیڈ کے مجاہدین کی واپسی کی اطلاع ملنے کے بعد کیا۔
ادھر فلسطینی مزاحمتی گروپوں نے بھی اسرائیلی فوج پر راکٹوں اور بارودی سرنگوں سے حملے کردیے جس کے نتیجے میں کئی اسرائیلی ٹینک تباہ ہوگئے۔
