اسلام آباد(صباح نیوز) بانی تحریک انصاف نے عام انتخابات کے نتائج کے آڈٹ کے لئے جوڈیشل کمیشن تشکیل دینے کی درخواست دائر کردی۔سابق وزیراعظم اور بانی چیئرمین پی ٹی آئی نے عام انتخابات میں مبینہ دھاندلی کے معاملے پر کمیشن تشکیل دینے کے لیے سپریم کورٹ میں درخواست دائر کردی ۔
بانی پی ٹی آئی کی جانب سے دائر درخواست میں استدعا کی گئی کہ سپریم کورٹ کے غیر جانبدار حاضر سروس ججز پر مشتمل جوڈیشل کمیشن تشکیل دیا جائے، جو عام انتخابات کا آڈٹ اور اس کے بعد جاری ہونے والے نتائج کا آڈٹ کرے۔درخواست میں کہا گیا کہ ملک میں بننے والی وفاقی اور صوبائی حکومتوں کو فوری کام سے روکا جائے اور جوڈیشل کمیشن کی رپورٹ کو پبلک کیا جائے۔
