گلگت (صباح نیوز) نیشنل ڈیزاسٹر مینجمنٹ اتھارٹی(این ڈی ایم اے)کے تھنک ٹینک نیشنل انسٹی ٹیوٹ آف ڈیزاسٹر مینجمنٹ (این آئی ڈی ایم) نے تین روزہ تربیت کا اہتمام کیا ، ضلع غذر میں موسم گرما کے ہنگامی حالات کے لیے تین روزہ تربیتی اورفرضی مشق کا بھی انعقاد کیا گیا۔ یہ تقریب 10 مئی سے 12 مئی تک منعقد ہوئی اور اس میں تعلیمی اداروں، ضلعی حکام، ریسکیو سروسز اور متعلقہ محکموں سمیت مختلف شعبوں سے تعلق رکھنے والے55 سے زائد شرکا نے شرکت کی۔اس فرضی مشق کا بنیادی مقصد ضلعی سطح کے اسٹیک ہولڈرز کو ممکنہ آفات کے لیے تیار کرنا تھا جن کا موسم گرما میں ممکنہ طور پرخطرہ ہ سکتاہے۔
نیشنل انسٹی ٹیوٹ آف ڈیزاسٹر مینجمنٹ (این آئی ڈی ایم) کے چیف کوآرڈینیٹر ایئر کموڈور (ر) تنویر پراچہ نے آفات سے نمٹنے کے لیے تیاری اور فرضی مشق جیسی تربیتی مشقوں کی اہمیت پر زور دیا کیونکہ یہ ہنگامی صورت حال سے نمٹنے کے لیے ردعمل کو نمایاں طور پر بہتر بنا سکتے ہیں۔ فرضی مشق کے دوران ممکنہ موسم گرما کے ہنگامی حالات کے لیے متعدد منظرنامے بشمول فلیش فلڈ، لینڈ سلائیڈنگ اور گلیشیئر لیکس آئوٹ برسٹ فلڈ (GLOFs) تیار کیے گئے ۔ گلگت بلتستان ڈیزاسٹر مینجمنٹ اتھارٹی ، ڈسٹرکٹ ڈیزاسٹر مینجمنٹ اتھارٹی ، میڈیا ، انسانی امداد اور مقامی کمیونٹی جیسے مخصوص کرداروں کی نمائندگی کے لیے سنڈیکیٹس تشکیل دیے گئے تھے۔ایونٹ کے پہلے دن میں بنیادی ڈیزاسٹر مینجمنٹ کے تصورات،
موسمیاتی سائنس، خطرات کی نقشہ سازی، مقدار کا تعین اور خطرات کے تجزیہ گروپ پر مبنی سرگرمیوں کا احاطہ کیا گیا۔ یہ دن شرکا کے لیے ناگزیر تھا کہ وہ ڈیزاسٹر مینجمنٹ کی بنیادی باتوں سے خود کوروشناس کرائیں اور ان ممکنہ خطرات کو سمجھیں جو انھیں خطے میں درپیش ہو سکتے ہیں۔ فرضی مشق کا دوسرا دن ضلعی سطح پر خطرے کی تشخیص، کیمپوں کو مربوط کرنے اور ان کا انتظام کرنے، اور ایسے ماسٹر منظرنامے جاری کرنے کے لیے وقف تھا جو اسٹیک ہولدرز کی اوسط سے زیادہ پیشین گوئیوں کی نشاندہی کرتے ہیں۔ ان منظرناموں نے ضلع کے مختلف حصوں میں بارش کی وجہ سے لینڈ سلائیڈنگ، اچانک سیلاب اور ممکنہ جی ایل او ایف واقعات کے امکان کو اجاگر کیا۔شرکا کو ایک ابتدائی صورت حال جاری کی گئی تھی جس میں ممکنہ خطرات کے خلاف بہتر تیاری کے لیے اسٹیک ہولڈرز کے درمیان مضبوط تعاون کی ضرورت تھی۔
ایونٹ کے تیسرے دن، تین منظرنامے جاری کیے گئے، جو کہ آبادیوں، بستیوں اور بنیادی ڈھانچے کو ممکنہ تباہی کا باعث بننے والے سیلاب کے واقعات کو نمایاں کرتے ہوئے، نیز جی ایل او ایف اور لینڈ سلائیڈنگ کا منظرنامہ پیش کیا جسکے بعد سوال و جواب کا سیشن ہوا۔ مشق کا اختتام پر چیف کوآرڈینیٹر این آئی ڈی ایم نے شرکا کا شکریہ ادا کیا اور ڈپٹی کمشنر ضلع غذر کیپٹن(ر) طیب سمیع خان کی طرف سے دیئے گئے سرٹیفیکیٹس کے ساتھ ہوا۔ڈی سی غذر نے ضلعی اسٹیک ہولڈر کی صلاحیتوں کو بڑھانے کے لیے این آئی ڈی ایم کی کوششوں کو سراہا۔ فرضی مشق نے ڈیزاسٹر مینجمنٹ میں ضلعی سطح کے اسٹیک ہولڈرز کی صلاحیت کو بڑھانے اور ممکنہ آفات کے دوران تیاری اور ردعمل کو یقینی بنانے کے لیے مشترکہ کوششوں کو فروغ دینے کے لیے ایک پلیٹ فارم فراہم کیا۔ شرکا نے ہنگامی حالات کے دوران اپنے ردعمل کو بڑھانے کے لیے قیمتی معلومات اور مہارتیں حاصل کیں
