حیدرآباد(صباح نیوز)پشاور سے کراچی آنے والی رحمان بابا ایکسپریس بولاری اور میٹنگ کے قریب حادثے کا شکار ہوئی اور ٹرین کے انجن سمیت بوگیاں پڑی سے اتر گئیں۔حادثے کے بعد فوری طور پر امدادی ٹیموں کو طلب کرلیا گیا،
فوری طور پر کسی جانی نقصان کی اطلاع نہیں ملی اور حادثے کی وجہ بھی فوری طور پر سامنے نہیں آسکی۔ ڈاؤن ٹریک پر رحمان بابا ایکسپریس کی دس کے قریب بوگیاں پٹری سے اترگئیں جبکہ حادثے کے بعد ٹریک پر ٹرینوں کی آمدو رفت روک دی گئی۔
دوسری جانب ترجمان ایدھی کا بتانا ہے کہ رحمان بابا ٹرین حادثے میں کسی جانی نقصان کی اطلاع نہیں ملی اور قریب ترین کوٹری تعلقہ ہسپتال میں بھی حادثے کا کوئی زخمی نہیں لایا گیا تاہم حادثے کے مقام پر ایمبولینسز اور رضا کاروں کی بڑی تعداد بھیج دی گئی ۔
