میاں چنوں،اسلام آباد(صباح نیوز) خانیوال کے ضلع میاں چنوں میں بائی پاس کے قریب چھوٹا تربیتی طیارہ گر کر تباہ ہوگیا۔ میاں چنوں میں بائی پاس کے کولڈ اسٹوریج کے گوادم کے قریب تربیتی طیارہ گر کر تباہ ہوگیا۔ ریسکیو 1122 اور قانون نافذ کرنے والے اداروں کی ٹیمیں موقع پر پہنچ کر امدادی کاروائیوں میں حصہ لیا،
ڈی ایس پی خانیوال محمد ثاقب کا کہنا ہے کہ واقعے کی تحقیقات کررہے ہیں جلد معلومات فراہم کرینگے، دوسری جانب عینی شاہدین کا کہنا ہے کہ آسمان سے گرنے والی چیز سے دھماکہ ہوا کچھ پتہ نہیں چل رہا ہے کہ کیا گرا ہے۔طیارہ گرنے قریبی مکانوں کی چھتیں گرگئیں، طیارہ گرنے کی جگہ پردس فٹ گہرا کھڈا پڑ گیا ،ریسکیو اہلکاروں کا کہنا ہے کہ واقعے میں معجزاتی طور پر کوئی جانی نقصان نہیں ہوا ہے،علاو ہ ازیں پاک فضائیہ نے میاں چنوں میں گرنے والا طیارہ پاکستانی فضائیہ کا ہونے سے متعلق افواہوں کی تردید کردی۔
ترجمان پاک فضائیہ کا کہنا ہیکہ میاں چنوں میں گرنے والا طیارہ پاکستان فضائیہ کا نہیں۔خیال رہیکہ میاں چنوں میں چھوٹا تربیتی طیارہ گرکر تباہ ہوگیا ہے، واقعے کے بعد پولیس اور ریسکیو اہلکار جائے وقوعہ پہنچ گئے اور امدادی کارروائی میں حصہ لیا۔
