اسلام آباد(صباح نیوز) چیئرمین سینیٹ سید یوسف رضا گیلانی نے کہاہے کہ ذوالفقار علی بھٹو نے پاکستان کو عالمی سطح پر ایک الگ پہچان دی ،پاکستان کو ایٹمی طاقت بنانا بھی انکے مرہون منت ہے ۔ بھٹو نے عوام کو جمہوری روایات ، قدروں سے متعارف کرایا۔اتوار کو قائد عوام اور سابق وزیراعظم شہید ذوالفقارعلی بھٹو کے یوم پیدائش پر چیئرمین سینیٹ سید یوسف رضا گیلانی نے جاری پیغام میں کہاکہ شہید ذوالفقار علی بھٹو کے عوامی خدمت کا مشن جاری رکھیں گے
،ذوالفقار بھٹو کا سیاسی فلسفہ ہماری رہنمائی کررہا ہے ۔ ذوالفقار علی بھٹو ایک عظیم رہنما تھے آج بھی عوام کے دلوں پر حکمرانی کر رہے ہیں، شہید ذوالفقار علی بھٹو نے عوام کو طاقت کا سر چشمہ قرار دیا ۔ انکی مزدور اور غریب دوست پالیسیوں نے انکو مقبول ترین رہنما بنایا۔ ذولفقار علی بھٹو کی جدوجہد سے استحصال کرنے والے طبقات کے خلاف تھی ۔ ذولفقار علی بھٹو نے ملک کو آئین دیا ، محروم طبقات کو بااختیار بنایا ۔ ذوالفقار علی بھٹو نے پاکستان کو عالمی سطح پر ایک الگ پہچان دی ،پاکستان کو ایٹمی طاقت بنانا بھی انکے مرہون منت ہے ۔ بھٹو نے عوام کو جمہوری روایات ، قدروں سے متعارف کرایا۔(aw)
