غزہ (صباح نیوز)غزہ میں بارش کے باعث بے گھرافراد کے 1542 خیمے زیرِ آب آگئے ۔غیرملکی خبررساں ادارے کے مطابق متاثرہ افراد بے سہارا غزہ کے بے گھر افراد کی خیمہ بستیوں کو شدید نقصا ن پہنچا ،غزہ کے مختلف علاقوں میں بارش کے باعث 1542 خیمے زیرِ آب آگئے، جہاں بے گھر افراد رہائش پذیر تھے۔ گزشتہ دو دنوں کے دوران موسلادھار بارش سے متاثرہ علاقوں میں زندگی مزید دشوار ہوگئی،
متاثرین کو مشکلات کا سامنا ہے ۔ڈائریکٹوریٹ آف سول ڈیفنس کے مطابق خیموں میں پانی کی سطح 30 سینٹی میٹر سے تجاوز کرگئی ۔بے گھر افراد سردی سے کپکپاہٹ اور دیگر مشکلات کا شکار ہیں۔متاثرین کی قیمتی اشیا اور بستر خراب ہوچکے ہیں۔ شہرِ غز ہ میں یرموک سٹیڈیم، میونسپل پارک اور السرایا کمپلیکس میں 497 خیمے زیرِ آب آگئے ۔رفح میں سمندری پٹی اور دیگر علاقوں میں 170 خیمے متاثرہوئے
۔خان یونس ، الاقصیٰ یونیورسٹی اور دیگر مقامات پر 665 خیمے شدید متاثر ہوئے ۔الوسطی دیر البلح اور وادی السلقا میں 210 خیمے پانی میں ڈوب گئے۔ موسمی شدت کے باعث سینکڑوں خیموں میں پانی داخل ہوچکا ہے اور متاثرین کو فوری امداد کی اشد ضرورت ہے۔ خیمہ بستیوں کی حالت بہتر بنانے کے لئے فوری اقدامات کی ضرورت ہے تاکہ ان خاندانوں کو مزید مشکلات سے بچایا جا سکے۔
