اسلام آباد(صباح نیوز)وزیر اعظم کی کوآرڈینیٹر برائے موسمیاتی تبدیلی رومینہ خورشید عالم نے خواتین، خواجہ سراوں اور معذور افراد کی نمایاں خدمات کو تسلیم کرنے کے حکومتی عزم کو سراہا۔اتوار کو سرکاری ٹی وی سے خصوصی گفتگو کرتے ہوئے انہوں نے پسماندہ افراد کی ہمت اور صلاحیت کو سلام پیش کیا اور انہوں نے پہلے ڈیگنٹی ایوارڈ کے سنگ بنیاد اقدام کو سراہاجو پسماندہ کمیونٹیز کے گمنام ہیروز کو پہچاننے میں حائل رکاوٹوں کو توڑتا ہے، ان کی شاندار کامیابیوں اور خدمات کا جشن مناتے ہیں۔
رومینہ عالم نے کہا کہ حکومت پسماندہ ہیروز کی خدمات کو تسلیم کرنے اور عزت دینے کے لیے ٹھوس اقدامات کر رہی ہے۔انہوں نے کہا کہ حکومت نہ صرف مواقع فراہم کر رہی ہے بلکہ ان کی کامیابیوں کو باضابطہ طور پر تسلیم کر رہی ہے،اس طرح ان کی جدوجہد اور لچک کی توثیق کر رہی ہے اور ایک زیادہ جامع اور قبول کرنے والے معاشرے کو فروغ دے رہی ہے۔انہوں نے اس امید کا اظہار کیا کہ ان ایوارڈز کے ذریعے ٹرانس جینڈر افراد کو دی جانے والی پہچان اور تعریفیں انہیں پنپنے اور اپنی مکمل صلاحیتوں تک پہنچنے کے لیے بااختیار بنائیں گی
۔خورشید عالم نے کہا کہ مسلم لیگ (ن) کی قیادت شہباز شریف کے وژن کے تحت سب کو بالخصوص پسماندہ طبقات کو یکساں پلیٹ فارم اور مواقع فراہم کرنے کے لیے پرعزم ہے۔انہوں نے کہا کہ یہ عزم پارٹی کے منشور میں جھلکتا ہے، جس میں ان گروپوں کی ترقی اور بااختیار بنانے کے لیے مختلف اقدامات کا خاکہ پیش کیا گیا ہے۔
