لاہور،بہاولپور،(صباح نیوز)کائونٹرٹیررازم ڈیپارٹمنٹ (سی ٹی ڈی) نے پنجاب بھر میں انٹیلی جنس بیسڈ آپریشنز کے دوران 16 دہشت گرد گرفتار کر لئے ۔کارروائی لاہور ،بہاولپور ،منڈی بہائوالدین ،میانوالی، ٹوبہ ٹیک سنگھ،رحیم یار خان ،چنیوٹ ،وہاڑی میں کی گئی، لاہور سے ایک خطرناک دہشت گرد عمر اسلحہ اور باروی مواد سمیت گرفتار کیا گیا، دہشت گرد کا تعلق شمالی وزیرستان سے ہے ۔
سی ٹی ڈی پنجاب نے کہا کہ دہشت گردوں سے دھماکہ خیز مواد،آئی ای ڈی بم 1،ڈیٹونیٹر 3،حفاظتی فیوز تار 12فٹ ، پمفلٹ نقدی اور برآمدہوئے،دہشت گردوں کی شناخت طفیل ،صدیق ،شبیر الحق ،محمد ابراہیم ، عبدالرشید ،عمر ،صدام حسین ،وقار مرتضیٰ ،عدنان وغیرہ کے نام سے ہوئی ، دہشت گرد مختلف مقامات پر کارروائی کر کے عوام میں خوف و ہراس پھیلانا چاہتے تھے ۔ حکام نے کہا کہ رواں ہفتے میں 4480 کومبنگ آپریشنز کے دوران431 مشتبہ افراد گرفتار کئے ، کومبنگ آپریشنز میں144842 افراد سے پوچھ گچھ کی گئی ،ی ٹی ڈی محفوظ پنجاب کے ہدف پر عمل پیرا ہے ، دہشت گردی کے ناسور کو جڑ سے اکھاڑ پھینکنے کے لئے پرعزم ہیں۔
