کراچی(صباح نیوز)گورنر سندھ کامران ٹیسوری نے کہا ہے کہ جنرل عاصم منیر ملک کی سرحدوں کے ساتھ ملکی معیشت کی حفاظت بھی کر رہے ہیں۔گورنر سندھ کامران ٹیسوری پاکستان سٹاک ایکسچینج پہنچ گئے۔
اس موقع پر خطاب کرتے ہوئے انہوں نے کہا کہ وزیرِ اعظم اور عسکری قیادت نے اس کامیابی کے لیے انتھک محنت کی، میرا اکائونٹ نہیں، میں بھی سٹاک مارکیٹ میں سرمایہ کاری کرنا چاہوں گا۔ گورنر سندھ نے کہا کہ قطر اور روس کے سفیر پاکستان میں سرمایہ کاری کرنا چاہتے ہیں، پاکستان سٹاک اور ان کی ٹیم کا شکریہ، معاشی مشکل میں بہت اچھی خبر ملی ہے۔کامران ٹیسوری نے کہا کہ جن پاکستانیوں کا پیسہ باہر ہے وہ اپنا پیسہ ملک میں لائیں، پاکستانی سرمایہ کاری کریں گے تو ملک ترقی کرے گا۔
