مستونگ(صباح نیوز)بلوچستان کے ضلع مستونگ کے علاقے دشت میں مسلح افراد نے لیویز چوکی پر حملہ کر دیا۔ضلعی انتظامیہ کے مطابق مسلح حملہ آوروں نے لیویز اہلکاروں سے اسلحہ، موٹر سائیکل اور فون چھین لئے اور چوکی سے متصل سیمنٹ فیکٹری کی مشینری کو بھی آگ لگا دی۔
لیویز حکام کے مطابق مسلح افراد کوئٹہ،سبی اور سکھر شاہراہ پر گاڑیوں کی تلاشی بھی لیتے رہے۔واقعہ کے بعد فورسز نے علاقے میں سرچ آپریشن بھی کیا ہے۔
