راولپنڈی(صباح نیوز) بحرین کے نائب فرمانروا نے برادر ممالک میں فوجی اور دفاعی تعاون کو بڑھانے کے لیے کاوشوں کے اعتراف میں ایئر چیف مارشل کو بحرین میڈل فرسٹ کلاس کے اعزاز سے نوازا ۔آئی ایس پی آر کے مطابق ایئر چیف مارشل کو بحرین کی ساخر ایئربیس پر تمغے سے نوازا گیا۔
تقریب میں بحرین کی اعلی سول اور فوجی قیادت نے شرکت کی۔ ایئر چیف مارشل نے میڈل دینے پر بحرینی قیادت کا شکریہ ادا کیا۔ایئر چیف مارشل ظہیر احمد سدھو سے بحرین انٹرنیشنل ایئرشو کے موقع پر امریکی ایئر فورس سینٹرل کمانڈ کے کمانڈر لیفٹیننٹ جنرل ڈیرک فرانس کی ملاقات بھی ہوئی۔
ایئر چیف مارشل نے دونوں سٹریٹجک پارٹنرز کے درمیان دوطرفہ تعاون کو مزید بڑھانے کے عزم کا اعادہ کیا۔کمانڈر سینٹرل کمانڈ نے علاقائی امن کے فروغ میں پاکستان کی کوششوں کو سراہا۔بحرین انٹرنیشنل ایئر شو میں پاک فضائیہ کے جے ایف 17 بلاک تھری لڑاکا طیارے نے شرکت کی۔بحرینی فرمانروا نے ایئر شو میں پاک فضائیہ کے دستے کی شرکت کو سراہا۔
