اسلام آباد(صباح نیوز)پاکستان مسلم لیگ (ن )کے رہنما میاں جاوید لطیف نے کہا ہے کہ نواز شریف آئندہ چند ہفتوں میں پاکستان میں ہوں گے۔
انہوں نے نجی ٹی وی سے گفتگو کرتے ہوئے کہا کہ انتخابات پتہ نہیں کب ہوں، نواز شریف آئندہ چند ہفتوں میں واپس آ رہے ہیں، آئندہ چند ہفتوں میں وہ پاکستان میں ہوں گے۔
سابق وزیرِ اعظم میاں نواز شریف کی میڈیکل رپورٹ پاکستان میں حکمرانوں کی موجودگی میں بنیں۔ نواز شریف کی میڈیکل رپورٹ کی تیاری کے وقت عمران خان ہی وزیرِ اعظم تھے۔انہوں نے کہا کہ اسد عمر نے کچھ دن پہلے ہی کہا تھا کہ نواز شریف کو بھیجنے کا فیصلہ عمران خان کا تھا۔
