گھوٹکی(صباح نیوز)گھوٹکی کے گاؤں دریاخان مگسی میں پولیس مقابلے کے دوران ڈاکوؤں کی فائرنگ سے ایک پولیس اہلکار جاں بحق اور ایک زخمی ہوگیا۔
بی سیکشن تھانہ کی حدود گاؤں دریا خان مگسی میں ڈاکوؤں کی فائرنگ سے جاں بحق ہونے والے پولیس اہلکار کی شناخت غلام مصطفی میمن اور زخمی کی نذیر احمد کلہوڑو کے نام سے ہوئی۔
حملے کے دوران ڈاکو پولیس اہلکاروں سے اسلحہ بھی چھین کر لے گئے۔زخمی اہلکار کو تشویشناک حالت میں رحیم یار خان منتقل کر دیا گیا، پولیس کی بھاری نفری ڈاکوؤں کے تعاقب میں روانہ کی گئی۔
