کراچی(صباح نیوز)حلقہ خواتین جماعت اسلامی کراچی کی ناظمہ جاوداں فہیم نے عام انتخابات کے موقع پر اپنے خصوصی بیان میں کہاکہ 8 فروری ترازو کی فتح اور عوام کی جیت کا دن ہے ،بار بار آزمائے ہوئے کرپٹ سیاستدان منہ کی کھائیں گے اور پاکستانی قوم ووٹ کی طاقت سے ظلم و نا انصافی کا بدلہ لیں گے،عوام سوچ سمجھ کر حق رائے دہی کا استعمال کریں اور ہر صورت اپنے ووٹ کو ضائع ہونے سے بچائیں۔
انہوں نے اہلیان کراچی سے اپیل کی کہ 15 سالوں سے جن لوگوں نے ہمارے شہر کا بیڑہ غرق کیا ہے ان کو پہچانیں اور اپنے ووٹ سے ان کا شہر سے نام و نشان مٹا دیں۔انہوں نے مزیدکہاکہ جماعت اسلامی ہر مشکل وقت میں عوام کے ساتھ کھڑی ہوتی ہے اب اس تاثر کو ختم کرنا ہو گا کہ ہم جیت نہیں سکتے عوام ہماری پچھلی کارکردگی دیکھیں اور پھر فیصلہ کریں کراچی کے حقوق کی سب سے توانا اور مضبوط آواز حافظ نعیم الرحمٰن کی ہے۔اس بار ترازو اور جماعت اسلامی کی جیت یقینی ہے۔#
