پشاور(صباح نیوز)خیبرپختونخوا اسمبلی کا اجلاس کورم پورا نہ ہونے پر ڈپٹی سپیکر محمود جان نے پیر کے روز دو بجے تک ملتوی کردیا۔
خیبرپختونخوا اسمبلی اجلاس ڈپٹی اسپیکر محمود جان کی صدارت میں شروع ہوا، اجلاس میں خاتون ایم پی اے بصیرت بی بی نے کورم کی نشاندہی کی جس پر ڈپٹی سپیکر نے اجلاس 5 منٹ کے لیے ملتوی کر دیا۔ ڈپٹی سپیکر نے کہا کہ ڈکٹیٹرنہیں ہوں، سپیکرکی رولنگ پرعملدرآمد کررہا تھا۔
کسی کے دبائو میں نہیں آئوں گا، قانون کے مطابق اسمبلی چلائوں گا، کورم پورا کرنا تمام اراکین کی ذمہ داری ہے،اجلاس وقت مقررہ پرشروع ہوگا اوروقت پر ختم ہو گا۔اسمبلی اجلاس دوبارہ شروع کیا تواراکین کی تعداد صرف 12 رہی جس پر ڈپٹی سپیکر نے اسمبلی اجلاس پیر کے روز دوپہر 2 بجے تک ملتوی کر دیا۔
