لاہور(صباح نیوز)لاہور دنیا کے آلودہ ترین شہروں میں پہلے نمبر پر رہا ۔
محکمہ ماحولیات کے مطابق لاہور سمیت پنجاب کے کئی شہروں میں فضائی آلودگی اور اسموگ کا سلسلہ جاری رہا ۔
دنیا کے آلودہ ترین شہروں میں لاہور پھر پہلے نمبر پر ہے، شہر کا مجموعی ائیرکوالٹی انڈیکس 415ریکارڈ کیا گیا ۔
بھارتی شہرنئی دہلی 370اے کیو آئی کے ساتھ دوسرا آلودہ ترین شہر قرار دیا گیا، لاہور میں سب سے زیادہ آلودہ علاقہ کوٹ لکھپت ہے جہاں ائیرکوالٹی انڈیکس 633ریکارڈ کیا گیا ۔
پنجاب کے دیگر شہروں میں فیصل آباد میں ائیر کوالٹی انڈیکس 466، بہاولپور میں 408، گوجرانوالہ میں357ریکارڈ کیا گیا۔
