مقبوضہ کشمیر، کرونا وائرس کے پیش نظر تمام سکول کالج، یونیورسٹیاں 15مئی تک بند


 سری نگر:مقبوضہ جموںو کشمیر میں کرونا وائرس متاثرین کی مجموعی تعداد 1لاکھ46ہزار692ہو گئی ہے۔ گزشتہ روز کرونا وائرس  سے متاثر 6 افراد جاں بحق  ہوگئے  جس کے نتیجے میں مرنے والوں کی  مجموعی تعداد 2057ہوگئی ہے۔

کے پی آئی  کے مطابق ۔پچھلے 24گھنٹوں کے دوران جموں و کشمیر میں کورونا وائرس کی تشخیص کیلئے   36ہزار 531تشخیصی ٹیسٹ کئے گئے جن میں  1526افراد کی رپورٹیں  مثبت آئی ہیں۔کرونا وائرس متاثرین کی مجموعی تعداد  1لاکھ46ہزار692ہو گئی ہے۔

دریں اثنا ء کے پی آئی  کے مطابق کرونا وائرس کے پیش  نظر  تمام سکولوں، کالجوں اور یونیورسٹوں کو 15مئی تک بند کر دیا گیا ہے ،۔ سماجی اجتماعات میں حاضرین کی حد اور پبلک ٹرانسپورٹ میں اورلوڈنگ پر پابندی عائد کردی گئی ہے۔

مزید پڑھیں: کورونا وائرس،دنیا بھرمیں ہلاکتیں3032862ہو گئیں

ریل، زمینی اور ہوائی راستے سے جموںو کشمیر آنے والے لوگوں کیلئے کورونا وائرس کی تشخیص کیلئے کویڈ اینٹی جن ٹیسٹ کو لازمی قرار دیا گیاہے۔جنازہ و تدفین میں محض 20افراد چار دیواری کے اندرمنعقد ہونے والی تقریبات میں 50فراد کے شمولیت کی اجازت ہوگی۔