اسلام آباد(صباح نیوز)مسلم لیگ (ن) کی ترجمان مریم اورنگزیب نے کہا ہے کہ عمران خان نے مان لیا سلیکٹرز کی سلیکشن اچھی نہیں تھی ۔
سماجی رابطے کی ویب سائٹ ٹوئٹرپربیان میں انہوں نے کہا کہ عمران خان آپ نے بھی مان لیا کہ آپ سمیت سلیکٹرز کی سلیکشن اچھی نہیں تھی۔جب ووٹ اور امیدوار چوری کے ہوں نعرے،وعدے جھوٹ ،لوٹ مار کا بازار گرم کارکردگی صفر ہو عوام بے روزگاری،مہنگائی اور غربت کا شکار ہو تو یہ ہی حال ہوتا ہے جو خیبرپختونخوا میں عمران مافیا کا ہوا۔
انہوں نے کہا کہ اب ہر الیکشن کا نتیجہ آپ کو آپ کے جانے کی خبر دے گا معاملہ آپ کے امیدواروں کے سلیکشن کا نہیں ۔ عمران خان کنوئیں کا گندا پانی چند ڈول نکالنے سے پاک نہیں ہو جاتا۔
