اسلام آباد(صباح نیوز)روسی کمپنی کا وفد پاکستان سٹیٹ آئل کے حکام سے مذاکرات کے لئے پاکستان پہنچ گیا۔ نجی ٹی وی کے مطابق سستے تیل کی خریداری کے معاملات طے کرنے کے لئے روسی تیل کمپنی کا وفد پاکستان پہنچ گیا۔
روس کا وفد پاکستان سٹیٹ آئل (PSO) کے حکام سے مذاکرات کرے گا۔ وفد کے دورے میں روس سے خام تیل کی درآمد کیلئے معاہدے کو حتمی شکل دیئے جانے کا امکان ہے، اور معاہدے کے بعد پاکستان کو سستے تیل کی فراہمی ممکن ہو سکے گی۔
