لاہور(صباح نیوز)اے این ایف لاہور نے ڈیفنس گارڈن میں واقع گھر سے 51کلو چرس برآمد کرکے خاتون کو گرفتار کرلیا ۔
اے این ایف کے مطابق انٹیلیجنس کی اطلاع پر اے این ایف لاہور نے ڈیفنس گارڈن میں واقع ایک گھر میں بڑی کارروائی کرتے ہوئے 51کلو چرس برآمد کرلی، جبکہ گھر میں موجود رخسانہ بی بی نامی ملزمہ کو گرفتار کر لیا ، ملزمہ کے خاوند لیاقت علی کی گرفتاری کے لیے ٹیمیں تشکیل دیدی گئی ہیں۔
ترجمان اے این ایف نے بتایا کہ ڈیفنس گارڈن میں واقع گھر پر چھاپہ خفیہ اطلاع پر مارا گیا، گھر میں منشیات موجودگی کی مستند اطلاع تھی اور پتہ چلا تھا کہ مذکورہ گھر منشیات ذخیرہ کرنے کیلئے استعمال کیا جاتا ہے، یہ مکروہ دھندہ ایک پورا گروہ کرتا ہے اور اس نیٹ ورک سے تعلق رکھنے والی خاتون گرفتار کرلی گئی ہے۔ جبکہ مزید ملزمان کی گرفتاری بھی جلد عمل میں لائی جائے گی۔
