لاہور (صباح نیوز)اراضی کیس میں گرفتار(ن )لیگی ایم این اے کو جوڈیشل ریمانڈ پر جیل بھیج دیا گیا۔
اینٹی کرپشن حکام نے مسلم لیگ(ن)کے رکن قومی اسمبلی چوہدری اشرف کو سرکاری اراضی پر قبضے کے کیس میں لاہور کے جوڈیشل مجسٹریٹ کی عدالت میں پیش کیا۔
اینٹی کرپشن حکام نے چوہدری اشرف کا جسمانی ریمانڈ ختم ہونے پر انہیں پیش کیا جس کے بعد عدالت نے انہیں 14روز کے جوڈیشل ریمانڈ پر جیل بھیج دیا۔
اینٹی کرپشن نے 27دسمبر کو مسلم لیگ (ن)کے ایم این اے چوہدری اشرف کو گرفتار کیا تھا۔
چوہدری اشرف عام انتخابات 2018میں پنجاب کے حلقہ این اے 148ساہیوال ٹو سے رکن قومی اسمبلی منتخب ہوئے تھے۔
