راولپنڈی(صباح نیوز)پاکستان عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ بلاول کا نیویارک میں بیان ملک میں نئی جنگ کا آغاز ہوگا۔
سماجی روابط کی ویب سائٹ ٹوئٹر پر بیان میں شیخ رشید احمد نے کہا کہ معاشی بحران کے ساتھ سیاسی بحران مزید گہرا ہوگیا، اسمبلیاں چھوڑنا حق ہے۔
انہوں نے کہا کہ بلاول کا نیویارک میں بیان ملک میں نئی جنگ کا آغاز ہوگا، بلاول غیر ملکی خواہشوں پر عمل درآمد کا عندیہ دے رہے ہیں۔
انہوں نے کہا کہ سٹاک مارکیٹ میں مندی، ڈالر مہنگا، مہنگائی 20 فیصد سے زائد ہو چکی، آئل بل اور دوائیوں کے پیسے نہیں کیسے چلے گا پاکستان؟۔
