اسلام آباد (صباح نیوز)وزیراعظم میاں محمد شہباز شریف نے قومی اداروں کے خلاف پاکستان تحریک انصاف کے چیئرمین اور سابق وزیراعظم عمران خان کی مہم کی شدید مذمت کرتے ہوئے کہا ہے کہ رنگے ہاتھوں پکڑے جانے والے چور اب اداروں کو بدنام کرکے اپنے جرم کی سزا سے بچنا چاہتے ہیں ۔ پاکستان کے قومی مفادات سے کھیلنے والوں کو قانون کو جواب دینا پڑے گا۔سفارتی سائفر میں ردوبدل کر کے قومی سلامتی سے کھیلا گیا۔
ان خیالات کااظہار وزیر اعظم شہباز شریف نے اپنے ایک بیان میں کیا۔ وزیر اعظم نے کہا کہ عوام کے بعد اب سازشی اداروں میں انتشار پھیلانے کی کوشش کررہا ہے۔ قانون سب کے لئے برابر ہے، مقبول ہونے کا مطلب قانون سے بالاتر ہونا کیسے ہو گیا؟آپ کی آڈیولیکس نے پاکستان کے مفادات کے خلاف سنگین سازش بے نقاب کردی۔
