مردان (صباح نیوز) مردان میں خودکش حملہ آور ہدف تک پہنچے سے قبل ہی دھماکے سے ہلاک ہوگیا، واقعہ جمعہ کی نماز سے قبل پیش آیا۔
مردان کے تھانہ چورہ کی حدود میں کھیتوں میں خودکش حملہ آور ہدف سے پہلے دھماکے سے ہلاک ہوگیا، دھماکے کے بعد کھیت سے ایک شخص کے جسم کے اعضا ملے جس کے بعد پولیس نے واقعے کی تحقیقات شروع کردی ہیں۔ یہ واقعہ جمعہ کی نماز سے قبل واقعہ پیش آیا۔ پولیس اور سی ٹی ڈی ٹیموں نے جائے وقوعہ سے شواہد جمع کرلیے۔
ریجنل پولیس آفیسر محمد علی گنڈاپور نے جائے وقوعہ کا دورہ کیا دھماکے کے حوالے سے معلومات حاصل کیں۔ واقعے پرآر پی او مردان محمد علی گنڈاپور نے کہا ہے کہ دھماکے سے خودکش بمبار ہلاک ہوا، دھماکا پولیس تھانہ چورہ کے نزدیک کھیتوں میں ہوا ہے، ریجن میں سیکورٹی ہائی الرٹ کردی گئی ہے۔ پولیس کے مطابق واقعے میں مزید کوئی جانی نقصان نہیں ہوا، واقعے کی جدید سائنس خطوط پر تحقیقات کی جارہی ہیں۔
