اسلام آباد(صباح نیوز)الیکشن کمیشن آف پاکستان نے پنجاب اسمبلی کی مخصوص نشستوں کے نوٹیفکیشن کا معاملہ سماعت کے لئے مقرر کردیا۔
الیکشن کمیشن تحریک انصاف اور مسلم لیگ ن کی درخواستوں پر(کل) جمعرات 2جون کو سماعت کریگا۔چیف الیکشن کمشنر کی سربراہی میں 3 رکنی الیکشن کمیشن میں سماعت کرے گا۔
سماعت کیلئے پاکستان تحریک انصاف اور مسلم لیگ ن کو نوٹسز جاری کر دیئے گئے ۔
واضح رہے کہ پاکستان تحریک انصاف نے 3 خواتین، 2 اقلیتی نشستیں انہیں دینے کا مطالبہ کر رکھا ہے جبکہ مسلم لیگ( ن) نے20 نشستوں پر ضمنی انتخاب کے بعد پارٹی پوزیشن کے تحت نوٹیفکیشن کا مطالبہ کیا ہے۔
