کراچی (صباح نیوز)لیفٹیننٹ جنرل محمد سعید نے کراچی کور کی کمان سنبھال لی ،پاک فوج کے شعبہ تعلقات عامہ(آئی ایس پی آر) کے مطابق کور ہیڈ کوارٹرز کراچی میں پیر کوکمانڈ کی تبدیلی کی تقریب کا انعقاد ہوا۔
تقریب میں لیفٹیننٹ جنرل ندیم احمد انجم نے کراچی کور کی کمان لیفٹیننٹ جنرل محمد سعید کے حوالے کی۔خیال رہے کہ لیفٹیننٹ جنرل ندیم احمد انجم کو ڈی جی آئی ایس آئی تعینات کیا گیا ہے اور وہ 20 نومبر سے اپنی ذمہ داریاں سنبھالیں گے۔
