جموں: مقبوضہ جموں و کشمیر میں ضلع کٹھوعہ کے مختلف علاقوں میں بھارتی فوج کا آپریشن ہفتہ کو مسلسل 14ویں روز بھی جاری رہا۔درجنوں افراد کو گرفتار کیا گیا ،ڈوڈہ میںگستاخانہ مواد کیخلاف زبردست احتجاج کیا گیا ، علاقے میں حالات کشیدہ ہیں ، انٹرنیٹ، موبائل فون سروسز بند کردی گئی ، کے پی آئی کے مطابق ضلع کٹھوعہ کے سانیال، جوتھانہ، رام کوٹ، بلاور، بھدو، گھٹی، کوگ منڈلی، دوگن اور دیگر علاقوں میں محاصرے اور تلاشی کی کارروائی اور چھاپوںکا سلسلہ جاری ہے۔قابض فوج نے اپنا تلاشی آپریشن وسیع کردیا گیا ،کئی علاقوں کو محاصر ے میں لے کر تلاشی آپریشن میں تیزی لائی گئی ہے ، بھارتی فورسز کے اہلکاروں نے تلاشی کی کارروائیوں اور چھاپوں کے دوران اب تک ایک خاتون اور دو کم عمر لڑکیوں سمیت دو درجن سے زائد افراد کو گرفتار کیا ہے۔
علاوہ ازیں ضلع ڈوڈہ ہمیں ایک ہندوتوا کارکن کی جانب سے سوشل میڈیا پر گستاخانہ مواد اپ لوڈ کیے جانے کے خلاف زبردست مظاہرے پھوٹ پڑے ہیں۔ ڈوڈہ شہر اور ضلع کے علاقے بھدرواہ میں بڑے پیمانے پر مظاہرے ہوئے۔ مظاہرین نے کہا کہ ہندوتوا تنظیم کے ایک مقامی کارکن نے قرآن کریم کے متعلق سوشل میڈیا پر گستاخانہ مود اپ لوڈ کیا۔ مظاہرین نے مجرم کو سخت سزا دینے کا مطالبہ کیا۔اطلاعات کے مطابق علاقے میںصورتحال کشیدہ ہے اور انتظامیہ نے صورتحال کو قابو میں رکھنے کیلئے بڑی تعداد میں بھارتی فورسز اہلکار تعینات کر دیے ہیں۔ بھدرواہ میں مسلمانوں نے توہین آمیز کارروائی کے خلاف ہڑتال بھی کی اور دکانیں بند رکھیں۔ دریں اثنا انتظامیہ نے مظاہروںکو مزید پھیلنے سے روکنے کیلئے ڈوڈہ شہر اور کشتواڑ میں موبائل فون اور انٹرنیٹ سروسز معطل کر دی ہیں۔
