جموں : مقبوضہ جموں و کشمیر میں قابض بھارتی فوج کی ظالمانہ کارروائیاں جاری ہیں ،قابض فوج نے اپنی ریاستی دہشت گردی کی تازہ کارروائی میں ضلع کٹھوعہ میں 3کشمیری نوجوانوں کو شہید کر دیاہے۔ کے پی آئی کے مطابق قابض فوج نے ان نوجوانوں کو ضلع میں راجباغ کے علاقے گھاٹی جوتھانہ کے گائوں جاکھول میں محاصرے اور تلاشی کی پرتشدد کارروائی کے دوران شہید کیا۔علاقے میں بھارتی فوج راشٹریہ رائفلز، سینٹرل ریزرو پولیس فورس، بارڈر سکیورٹی فورس اور اسپیشل آپریشن گروپ کے اہلکار اتوار کے روز سے محاصرے اور تلاشی کی پر تشدد کارروائی جاری رکھے ہوئے ہیں ۔اطلاعات کے مطابق بھارتی فورسز نے نوجوانوں کو ایک جعلی مقابلے میں عسکریت پسند قراردیکر قتل کیا ۔اس سے قبل اسی علاقے میں ایک حملے میں 4بھارتی فوجی ہلاک اور متعدد زخمی ہو گئے تھے ۔علاقے میں بھارتی فوج کا بڑا فوجی آپریشن جمعہ کو مسلسل چھٹے روز بھی جاری رہا ، اس دوران آپریشن میں ہیلی کاپٹروں ، ڈرون اور دیگر جدید فوجی سامان کا استعمال کیا جارہا ہے ۔علاقے میں خوف و دہشت کا ماحول گرم ہے ،لوگ گھروں میں قیدہوکے رہ گئے ہیں،
مقبوضہ کشمیرکے کٹھوعہ علاقے میں قابص بھارتی فوج کاآپریشن جاری، 3 کشمیری نوجوان شہید
