فیصل آباد(صباح نیوز)وزیراعظم کے معاون خصوصی شہباز گل کا کہنا ہے کہ نواز شریف کو عمران خان نے بھگوڑا کہہ کر کچھ غلط نہیں کیا، انہیں تو خود عدالت نے بھگوڑا قرار دیا تھا۔فیصل آباد میں میڈیا سے گفتگو کرتے ہوئے شہباز گل نے کہا کہ شہباز شریف چوری کا حساب دیں اور اسمبلی میں تقریر کریں، حب تک آپ حساب نہیں دیں گے، آپ کو تقریر نہیں کرنے دیں گے۔
انہوں نے کہا کہ عمران خان اپنے ورکرز کی بات سنتے ہیں، ان کے ابھی تک کسی اپارٹمنٹ کا پتہ نہیں لگا، وزیر اعظم کی کوئی مل نہیں لگ رہی، یہاں کوئی مقصود چپڑاسی بھی نہیں ہے۔ان کا کہنا تھا کہ عمران خان مڈل کلاس کے لوگوں کو آگے لیکر لائے ہیں،انہوں نے حکومت میں آکر کوئی اثاثہ نہیں بنایا،ہماری حکومت پر کرپشن کا کوئی داغ نہیں ہے۔
شہباز گل نے کہا کہ شہباز شریف پر کل چارج فریم ہونا تھا، مقصود چپڑاسی کے اکاؤنٹ میں 4 ارب روپے کا کیس تھا، شریف ایسے پھنسے کہ کوئی بھی انہیں نہیں چھڑا سکتا،شہباز گل کا کہنا ہے کہ وزیراعظم کی اصل طاقت ورکرز کے ساتھ تعلق ہے عمران خان کا وعدہ تھا جو وزیر کرپشن کرے گا وہ نہیں بچے گا۔ عمران خان اپنے وزرا کا بھی احتساب کرتے رہتے ہیں۔
ان کا کہنا تھا کہ کسی حکومتی عہدیدار کے خلاف کوئی دستاویزی ثبوت نہیں ہے۔ مراد سعید ٹاپ پرفارمر ہے، عمران خان مڈل کلاس ورکرز کو اوپر لیکر گئے
