مانچسٹر(صباح نیوز) برطانیہ میں موسم نے رنگ بدلنا شروع کر دیا ، برطانیہ کے شہر مانچسٹر میں بارش سے سیلابی صورتحال پیدا ہو گئی۔گاڑیاں پانی میں ڈوب گئیں ، کئی علاقوں کو بجلی کی فراہمی معطل ،بریڈ فورڈ میں بارش اور سیلاب سے معمولات زندگی درہم برہم ہو گئے،
شہریوں کو شدید مشکلات کا سامنا رہا ،گزشتہ 24گھنٹوں کے دوران شمال مغربی انگلینڈ میں تقریبا90ملی میٹر بارش ہوئی ۔شمالی ویلز اور کمبریا کی پہاڑی علاقوں میں 100ملی میٹر سے زائد بارش ریکارڈ کی گئی،برطانوی محکمہ موسمیات نے شدید بارشوں اور برفباری کی پیشگوئی کر دی ، برطانیہ بھر میں سیلاب کی 100سے زیادہ وارننگ جاری کی گئی ہیں۔
