اسلام آباد(صباح نیوز) وزیراعظم محمد شہباز شریف قاہرہ میںآئندہ کل کی معیشت کیلئے نوجوانوں،چھوٹے و درمیانے طبقے کے کاروبار میں سرمایہ کاری کے موضوع پر منعقدہ ترقی پذیر ممالک (ڈی ۔8 )کے 11 ویں سربراہی اجلاس میں شرکت کے لئے تین روزہ سرکاری دورے پر مصر روانہ ہوگئے۔
وزیر اعظم آفس کے میڈیا ونگ سے جاری بیان کے مطابق وزیر اعظم سربراہی اجلاس میں پاکستان کی نمائندگی کرتے ہوئے روزگار کی فراہمی، جدت کے فروغ اور مقامی کاروبار کی ترویج کی بنیادوں پر مضبوط اور شراکت داری پر مبنی معیشت کیلئے نوجوانوں، چھوٹے و درمیانے طبقے کے کاروبار (ایس ایم ایز) میں سرمایہ کاری کی اہمیت کو اجاگر کریں گے۔وزیراعظم ترقی پذیر ممالک کی تنظیم ڈی ۔8 کے وضع کردہ بنیادی اصولوں پر تعاون و عملدرآمد کے حوالے سے پاکستان کے مضبوط عزم کا اظہار کریں گے۔وزیراعظم کانفرنس میں شریک ممالک کے مابین باہمی طور پر مفید ترقی کیلئے شراکت داریوں کے ساتھ ساتھ زراعت، غذائی تحفظ اور سیاحت میں تعاون کی اہمیت پر زور دیں گے۔
وزیر اعظم نوجوانوں کو بااختیار بنانے اور ان کی معاشی ترقی کیلئے حکومت پاکستان کے اقدامات پر بھی روشنی ڈالیں گے۔وزیر اعظم اسرائیلی جارحیت اور وحشیانہ بربریت کے نتیجے مشرق وسطی کی صورتحال، انسانی بحران اور غزہ و لبنان میں تعمیر نو و بحالی کے مسائل پر منعقدہ ڈی ۔8کے خصوصی اجلاس میں بھی شرکت کریں گے۔ وزیر اعظم فلسطین کے حوالے سے پاکستان کے اصولی مقف سے آگاہی دیتے ہوئے مشرق وسطی میں امن کے قیام پر زور دیں گے۔وزیر اعظم اس موقع پر سربراہی اجلاس میں شرکت کیلئے آئے مختلف ممالک کے سربراہاں سے دوطرفہ ملاقاتیں بھی کریں گے۔نائب وزیر اعظم و وزیرِ خارجہ محمد اسحاق ڈار،وفاقی وزیر اطلاعات و نشریات عطا اللہ تارڑ اور معاون خصوصی طارق فاطمی وزیراعظم کے ہمراہ کانفرنس میں شرکت کریں
