پشاور(صباح نیوز)سابق امیر جماعت اسلامی پاکستان سراج الحق نے کہاہے غزہ معاملے پرپاکستانی حکمرانوں کا کردار میر جعفر اور میر صادق والا ہے.شہباز شریف اور زرداری ٹرمپ کال کی انتظار میں ہے.عالمی دباو کی نتیجہ میں آج پاکستان میں فلسطین کے لیے آواز اٹھانا جرم بن گیاہے.
ان خیالات کا اظہار انہوں نے گورنمنٹ ڈگری کالج گل آباد دیر لوئر میں سالانہ سٹوڈنٹس ایجوکیشن ایکسپو سے خطاب کرتے ہوئے کیا.سراج الحق نے کہاہیکہ فلسطین 58 اسلامی ممالک کے لیے امتحان ہے.ہم اللہ کا شکر کرتے ہیں کہ ہم حق کے ساتھ کھڑے ہیں.مسئلہ فلسطین پونے 2 ارب مسلمانوں اور 58 اسلامی ممالک کے لیے امتحان ہے، ہم دیکھتے ہیں
وہ ہمارے معصوم بچوں کو جلارہے اور ان کی ہاتھ پاوں کو کاٹ رہے ہیں. اسلامی جمعیت طلبہ امت کا سرمایہ ہے.اسلامی جمعیت طلبہ طلبہ کی واحد منظم تنظیم ہے جو پاکستان کے تعلیمی اداروں میں اسلامی اقدار کی ترویج کے لیے کوشاں ہے.اسلامی پاکستان اور خوشحال پاکستان کا قیام آج کے طالب علم کیلیے بڑی چیلنج ہے.آج کل کے سیاست میں سیاستدانوں نے ایک دوسرے پر بے بنیاد الزامات،بدتہذیبی اور گالم گلوچ کلچرکو فروغ دیا.
اسلامی جمعیت طلبہ نے گل آباد کالج میں تمام طلبہ تنظیموں کو اکٹھاکرکے سیاست میں شرافت،باہمی اتحاد وبھائی چارے کے کلچر کو فروغ دیا۔ایکسپو سے صوبائی ناظم وسیم حیدر،ناظم مقام محمد تیمور،ناظم کالجز فیاض الحق فیضی،ناظم کالج اصغرخان، نے بھی خطاب کیا۔
