ٹانک ،خیبر(صباح نیوز)خیبرپختونخوا ضلع ٹانک اور خیبر میں سکیورٹی فورسز کی کارروائیوں کے دوران 8 دہشتگرد ہلاک ہوگئے۔پاک فوج کے شعبہ تعلقات عامہ (آئی ایس پی آر)کے مطابق 12 اور 13 جنوری کو خیبرپختونخوا میں سکیورٹی فورسز نے 2 کارروائیاں کیں۔
سکیورٹی فورسز نے ٹانک میں دہشتگردوں کی موجودگی کی اطلاع پر انٹیلی جنس بیسڈ آپریشن کیا جس کے دوران دہشتگردوں کے ٹھکانے کو موثر طریقے سے تلاش کیا گیا۔ آئی ایس پی آر کے مطابق ضلع ٹانک میں آپریشن کے دوران 6 دہشتگردوں کو ہلاک کر دیا گیا۔علاوہ ازیں ضلع خیبر کے علاقے تیراہ میں کارروائی کے دوران 2 دہشتگرد مارے گئے ،ہلاک دہشتگرد سے اسلحہ، گولیاں اور دیگر سامان برآمد کر لیا گیا ۔
