لاہور(صباح نیوز) لاہور میں ایک گھر میں آگ لگ گئی جس سے ایک بچی جاں بحق اور 2 افرادزخمی ہو گئے، شیرا کوٹ میں غازی چوک پر گھر میں سلنڈر کا دھماکا ہوا جس کے نتیجے میں گھر میں موجود 5 افراد زخمی ہو گئے۔
ریسکیو حکام کے مطابق لاہور کے علاقے بادامی باغ میں ایک گھر میں آگ لگنے سے 2 بچوں سمیت 3 افراد جھلس کر زخمی ہوگئے۔ آتشزدگی کے باعث 3 سالہ بچی جاں بحق جبکہ 70 سالہ محمد جاوید اور 12 سالہ غلام دستگیر کو زخمی حالت میں ہسپتال منتقل کر دیا گیا۔
دوسری جانب لاہو کے علاقے شیرا کوٹ میں گھر میں سیلنڈر پھٹنے سے 5 افراد زخمی ہوگئے۔ گھر میں کوئلے جلائے ہوئے تھے جس کی وجہ سے گھر میں آگ لگی، زخمیوں میں خواتین اور بچے بھی شامل ہیں۔
