بہاولپور(صباح نیوز) بہاولپورکے نواحی علاقہ مسافر خانہ کے قریب دھند کے باعث ٹریلر کی ٹکر سے رکشہ میں سوار نجی سکول کے 4 اسکول طالب علم جاں بحق اور9زخمی ہو گئے۔
تفصیلات کے مطابق بہاولپور میں قومی شاہراہ پر اڈا مسافر خانہ کے قریب دھند کے باعث ٹریلر نے بچوں سے بھرا موٹرسائیکل رکشہ کو ٹکر مار دی۔
حادثے کے نتیجے میں رکشے میں سوار اسکول کے 4بچے جاں بحق جبکہ9افراد زخمی ہو گئے، زخمیوں کو اسپتال منتقل کیا گیا ہے۔
ریسکیو 1122ذرائع کے مطابق زخمی ہونے والے 9افراد میں اسکول کے طالب علموں کے علاوہ رکشہ ڈرائیور بھی شامل ہے۔ ٹریلر ڈرائیو موقع سے فرار ہوگیا۔
