اسلا م آباد(صباح نیوز) پاکسان مسلم لیگ(ن) کی ترجمان مریم اورنگزیب نے کہاہے کہ پاکستان مسلم لیگ(ن) نے8 فروری 2024 کو عام انتخابات میں پارٹی امیدواروں کے ٹکٹ کا ابھی فیصلہ نہیں کیا، کسی ضلع یا کسی حلقے میں کسی کو ابھی پارٹی ٹکٹ نہیں دیاگیا۔ اپنے جاری بیان میں انہوں نے کہاکہ پارلیمانی بورڈ کے اجلاس جاری ہیں۔
جب یہ عمل مکمل ہوجائے گا تو پارٹی قائد محمد نوازشریف اور صدر محمد شہبازشریف کی منظوری سے پارٹی ٹکٹ حاصل کرنیو الے امیدواروں کا باضابطہ اعلان کیاجائے گا۔ ترجمان نے کہاکہ میڈیا سے گزارش ہے کہ غیرمصدقہ اور قیاس آرائیوں پر مبنی خبریں نہ دے۔
