پشاور (صباح نیوز)جمعیت علماء اسلام پاکستان کی جنرل کونسل/عمومی کا اجلاس مولانا فضل الرحمان کی صدارت میں ہونے والے اجلاس میں متفقہ طور پر مولانا فضل الرحمان کو آئندہ پانچ سال کے لیے امیر اور مولانا عبدالغفور حیدری کو جنرل سیکرٹری منتخب کرلیا۔
جے یوآئی پاکستان کے ترجمان محمد اسلم غوری کے مطابق جمعیت علما اسلام پاکستان کی مرکزی جنرل کونسل کا اجلاس ہفتہ اتوار مفتی محمود مرکز پشاور میں امیر مرکزیہ مولانا فضل الرحمان کی صدارت میںمنعقد ہوا۔ اجلاس میں ملک بھر سے اراکین جنرل کونسل /مجلسِ عمومی نے شرکت کی اجلاس میں متفقہ طور پر مولانا فضل الرحمان صاحب کو ایک بار پھر پانچ سال کے لئے مرکزی امیر اور مولانا عبدالغفور حیدری کو ناظم عمومی منتخب کرلیا۔
اجلاس سے مولانا عبدالغفور حیدری مولانا امجد خان حافظ حمد اللہ مولانا عطا الحق درویش چاروں صوبوں گلگت بلتستان آزاد کشمیر کے امرا ونظما نے کارگزاری رپورٹ پیش کی اجلاس میں ملک کی موجودہ سیاسی صورتحال آئندہ عام انتخابات فلسطین کے مظلوم مسلمان کے حق میں جاری مہم کا جائزہ لیا گیا اجلاس میں صوبائی جماعتوں کی طرف پیش کی گئی رپورٹوں پر اطمینان کا اظہار کرتے صوبائی جماعتوں کو ہدایات کی گئی کہ انتخابات کے حوالے سے اپنی تیاریاں تیز کریں۔
