لاہور(صباح نیوز) دنیا کے آلودہ ترین شہروں کی فہرست میں لاہور دوسرے نمبر پر آگیا جبکہ کراچی چوتھے نمبر پر ہے۔
لاہور سمیت ملک بھر میں فضائی آلودگی اور اسموگ کا سلسلہ برقرار ہے ۔ لاہور 202 پرٹیکیولیٹ میٹرز کے ساتھ دنیا کا دوسرا آلودہ ترین شہر ریکارڈ ہوا ہے۔
دنیا کا پہلا آلودہ ترین شہر بھارتی دارالحکومت نئی دہلی ہے، جہاں پرٹیکیولیٹ میٹرز کی مقدار 227 ریکارڈ کی گئی۔
اسی طرح 183پرٹیکیولیٹ میٹرز کے ساتھ کراچی دنیا کا چوتھا آلودہ شہر ریکارڈ ہوا ہے۔
طبی ماہرین کے مطابق فضائی آلودگی سے نزلہ، زکام، کھانسی اور دیگر انفیکشنز میں تیزی سے اضافہ ہو رہا ہے۔
