کراچی(صباح نیوز)کراچی میں تجاوزات کیخلاف آپریشن میں طارق روڈ پر واقع دلکشا پارک کی زمین پر قائم 10 دکانیں مسمار کر دی گئیں۔
تفصیلات کے مطابق آپریشن دلکشا پارک پر قائم تجاوزات کے خلاف کیا گیا جس میں اسسٹنٹ کمشنر فیروز آباد، اینٹی انکروچمنٹ، رینجرز اور پولیس بھی موجود رہی۔
مدینہ مسجد کے عقب میں دلکشا پارک کی زمین پر قائم کی گئی 10 دکانیں گرا دی گئیں۔حکام کے مطابق دکانیں غیر قانونی طور پر قائم کی گئی تھیں جنہیں سپریم کورٹ کے حکم پر گرایا گیا۔حکام نے بتایا کہ آپریشن کے دوران کسی مزاحمت کا سامنا نہیں کرنا پڑا۔
