پاکستان اسٹاک مارکیٹ میں تیزی کا رجحان

انٹرنیٹ فوٹو

کراچی(صباح نیوز) پاکستان اسٹاک مارکیٹ میں پیر کو تیزی کا رجحان رہاتاہم کے ایس ای100انڈیکس 47800پوائنٹس کی سطح پر ہی برقرار رہا جبکہ مارکیٹ کے سرمائے میں18ارب روپے کا اضافہ ریکارڈ کیا گیا جبکہ54.32فیصد حصص کی قیمتیں بھی بڑھ گئیں ۔

پاکستان اسٹاک مارکیٹ میں پیر کو سرمایہ کاروں اور مالیاتی اداروں کی جانب سے پیٹرولیم ،گیس ،ٹیلی کام سمیت دیگر منافع بخش شعبوں میں سرمایہ کاری کی بدولت ٹریڈنگ کے دوران ایک موقع پر انڈیکس 48ہزار پوائنٹس کی نفسیاتی حد عبور کر گیا تھا تاہم تکنیکی کریکشن کے سبب انڈیکس اس سطح کو برقرا ر نہ رکھ سکا ۔

اسٹاک مارکیٹ میں پیر کو کے ایس ای100انڈیکس میں 38.93پوائنٹس کا اضافہ ہوا جس سے انڈیکس 47834.33پوائنٹس سے بڑھ کر 47873.26پوائنٹس پر جا پہنچا اسی طرح40.34پوائنٹس کے اضافے سے کے ایس ای آل شیئر ز انڈیکس 32564.80پوائنٹس سے بڑھ کر 32635.14پوائنٹس پر بند ہوا تاہم کے ایس ای 30انڈیکس 17.17پوائنٹس کی کمی سے 19210.35پوائنٹس سے کم ہو کر 19193.18پوائنٹس ہو گیا ۔

کاروباری تیزی کے سبب مارکیٹ کے سرمائے میں18ارب2کروڑ92لاکھ73ہزار817روپے کا اضافہ ریکارڈ کیا گیا جس کے نتیجے میں سرمائے کا مجموعی حجم 83کھرب47ارب 8کروڑ74لاکھ 25ہزار343روپے سے بڑھ کر 83کھرب65ارب 11کروڑ66لاکھ 99ہزار160روپے ہوگیا ۔پاکستان اسٹاک مارکیٹ میں پیر کو 11ارب روپے مالیت کے 32کروڑ9لاکھ78ہزار حصص کے سودے ہوئے جبکہ گذشتہ جمعہ کو 14ارب روپے مالیت کے 34کروڑ85لاکھ76ہزار حصص کے سودے ہوئے تھے۔

پاکستان اسٹاک مارکیٹ میں گذشتہ روز مجموعی طور پر 416کمپنیوں کا روبار ہوا جس میں سے226کمپنیوں کے حصص کی قیمتوں میں اضافہ ،174میں کمی اور 16کمپنیوں کے حصص کی قیمتوں میں استحکام رہا ۔کاروبار کے لحاظ سے بائیکو پیٹرولیم 2کروڑ43لاکھ ڈینڈوٹ ( آر ) 2کروڑ31لاکھ ،سوئی سدرن گیس 1کروڑ85لاکھ ،الشہر کارپوریشن 1کروڑ34لاکھ اور ٹریٹ کارپوریشن 1کروڑ27لاکھ حصص کے سودوں سے سرفہرست رہے۔

قیمتوں میں اتار چڑھائو کے اعتبار سے پاک سروسز کے بھائو میں 67.00روپے کا اضافہ ہوا جس کے بعدا سکے حصص کی قیمت بڑھ کر 967.00روپے ہو گئی اسی طرح کولگیٹ پامولیو کے حصص کی قیمت 32.97روپے کے اضافے سے2650.47روپے ہو گئی جبکہ وائتھ پاک لمیٹیڈ کے حصص کی قیمت میں49.37روپے کی کمی واقع ہوئی جس سے اسکے حصص کی قیمت کم ہو کر 2118.00روپے ہو گئی اسی طرح 28.00روپے کی کی سے باٹا پاک کے حصص کی قیمت گھٹ کر 1652.00روپے پر آ گئی۔