اسلام آباد(صباح نیوز)قائداعظم یونیورسٹی سکول آف پولیٹیکل اینڈ انٹرنیشنل ریلیشنز کے 54 رکنی طلبہ کے وفد نے منگل کو فیکلٹی ممبران کے ہمراہ پارلیمنٹ ہاؤس کا دورہ کیا۔ایوان بالا کے اعلی حکام نے وفد کو خوش آمدید کہا۔
وفد کو سینیٹ میوزیم کا دورہ کرایا گیا جہاں پر انہیں ایوان بالا کی تاریخ پر مبنی ڈاکومنٹری بھی دکھائی گئی۔وفد نے سینیٹ میوزیم میں ملک کے ممتاز سیاستدانوں کے مجسموں اور تاریخی تصاویر میں دلچسپی کا اظہار کیا۔بعدازاں وفد نے ایوان بالا کے اجلاس کی کاروائی بھی دیکھی اور پارلیمنٹ ہاؤس بارے آگاہی اور استقبال پرسینیٹ حکام کا شکریہ ادا کیا۔
