اسلام آباد(صباح نیوز) وزیراعظم شہباز شریف نے افغانستان میں زلزلے سے بڑے پیمانے پر انسانی جانوں کے ضیاع پر افسوس کا اظہار کیا ہے۔
ترجمان وزیراعظم ہاؤس کے مطابق وزیراعظم میاں محمد شہباز شریف نے فغانستان میں 6.1 شدت کے زلزلے سے قیمتی جانوں کے ضیاع پر رنج وغم کا اظہار کرتے ہوئے کہا ہے کہ دکھ اور مشکل کی اس گھڑی میں ہم اپنے افغان بھائی بہنوں کے ساتھ ہیں۔
Deeply sad to learn about the loss of precious lives & damage due to flooding in brotherly Afghanistan. I urge the international community to help the already suffering Afghan people on emergency basis. Pakistan will also extend it's assistance to our Afghan brothers & sisters.
— Shehbaz Sharif (@CMShehbaz) May 5, 2022
وزیراعظم شہباز شریف نے افغان صوبے پکتیا میں زیادہ جانی نقصان پر دکھ کا اظہار کرتے ہوئے کہا کہ زلزلے سے ہونے والے نقصانات خاص طور پر پکتیکا کے علاقے میں اموات پر دلی افسوس ہے، پاکستان کی طرف سے افغانستان کے عوام کو ہر ممکن مدد فراہم کریں گے۔
اس موقع پر انہوں نے متعلقہ پاکستانی حکام کو افغانستان کی مدد کی ہدایت بھی کی۔وزیراعظم شہباز شریف کی جانب سے جاں بحق ہونے والوں کی مغفرت اور اہل خانہ کیلئے صبر جمیل کی دعا کی گئی۔
وزیراعظم نے زخمیوں کی جلد صحت یابی کیلئے دعا اور متاثرہ خاندانوں سے بھی ہمدردی کا اظہار کیا ہے۔
