پشاور (صباح نیوز)کرم کیلئے امدادی اشیا لے جانے والا 20 گاڑیوں پر مشتمل قافلہ روانہ کردیا گیا، قافلے کی ہیلی کاپٹر سے فضائی نگرانی کی جارہی ہے۔ سخت سکیورٹی میں امدادی اشیا کے قافلے کو روانہ کیا گیا ، قافلے کی گاڑیوں میں اشیائے خورونوش،گرم کمبل ،کچن سیٹ سمیت دیگر مختلف قسم کی اشیا شامل ہیں۔
گزشتہ روز حکومت اور علاقہ عمائدین کے مابین مذاکرات کامیاب ہوئے تھے جس کے بعد قافلے کو روانہ کرنے کی اجازت گزشتہ شب دی گئی۔ ٹل سے بگن کیلئے 10 ٹرک سامان روانہ ہوا اور پارا چنار کے لئے 12 گاڑیاں روانہ ہوئیں، ٹل پارہ چنار شاہراہ پر فرنٹیئر کور اور پولیس تعینات ہے، روڈ پر سکیورٹی فورسز کی پٹرولنگ بھی جاری ہے۔
