راولپنڈی (صباح نیوز)اینٹی نارکوٹکس فورس ( اے این ایف) نے ملک کے مختلف شہروں میں 4 کارروائیوں کے دوران 26.2 کلوگرام برآمد کر لی اور 5 افراد گرفتار کر لئے ۔ ترجمان اے این ایف کے مطابق اے این ایف کی منشیات سمگلنگ کے خلاف ملک بھر میں کارروائیاں جاری ہیں ،کارروائیوں میں 68 لاکھ سے زائد مالیت کی 26.2 کلو گرام منشیات برآمد کر لی گئی ،مندرہ ٹول پلازہ اسلام آباد کے قریب گاڑی کے خفیہ خانوں سے 18 کلو چرس برآمد، خاتون سمیت ایک ملزم گرفتار کر لیا گیا ۔
لاہور میں کوٹ عبدالمالک انٹرچینج کے قریب گاڑی سے 5 کلو آئس برآمد ہوئی جس کے بعد ملزم بھاگنے کی کوشش میں گرفت میں آگیا ،جامشورو حیدرآباد میں خاتون سے 2 کلو ہیروئن برآمد ہوئی ہے جبکہ سری نگر ہائی وے اسلام آباد کے قریب ملزم سے 1.2 کلو چرس برآمد کی گئی۔ اے این ایف کے ترجمان کے مطابق گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ۔
