اسلام آباد (صباح نیوز)یونیورسٹی آف گجرات کے طلبا وطالبات کے 53 رکنی وفد نے اپنے فیکلٹی ممبران کے ہمراہ پارلیمنٹ ہائوس کا دورہ کیا ہے ۔ایوان بالا کے اعلیٰ حکام نے وفد کو پارلیمنٹ ہاوس میں خوش آمدید کیا۔
وفد کو سینیٹ میوزیم کا دورہ کرایا گیا جہاں پر انہیں ایوان بالا کی تاریخ پر مبنی ڈاکومنٹری بھی دکھائی گئی۔ وفد نے سینیٹ میوزیم میں ملک کے ممتاز سیاستدانوں کے مجسموں اور تاریخی تصاویر میں دلچسپی کا اظہار بھی کیا۔وفد نے سینٹ ہال کا بھی دورہ کیا۔
